وہ گھڑی جس کا انتظار

تحفہ شادی

محمد انور

وہ گھڑی جس کاتھاانتظارآگئی

لےکے اک موسم خوش گوارآگئی

یوں لگا، آبروئے بہارآگئی ،                     آج کی بات کچھ اور ہی بات ہے

شہرامیدجنت نشاں آج ہے

بس یقیں ہی یقیں ہرگماں آج ہے

ایک مہمان خود میزبان آج ہے ۔ ہرنفس وقف لطف وعنایت ہے

شاخ ارماں پہ چٹکی ہے دل کی کلی

چاندنی ہے ہر اک سمت چھٹکی ہوئی

ارض احساس پرپیارکے چاند کی ۔ ہرطرف نورنکہت کی برسات ہے

معتبرحسن تدبیرہونے کوہے

مہرباں آج تقدیرہونےکوہے

لطف الفت کی تفسیر ہونے کوہے ، کیف پرورہے یہ پرکشش ساتھ ہے

کچھ حسیں عہد وپیمان ہونے کوہیں

آج دوجسم اک جان ہونے کوہیں

ایک دوجے پہ قربان ہونے کوہیں ۔ حاصل زندگی یہ ملاقات ہے