دل میں ہو یاد تیری گوشئہ تنہائی ہو

استاذ زمن،   حضرت  مولانا حسن رضا صاحب قبلہ

õ                     دل میں ہو یاد تیری گوشئہ تنہائی ہو

õ                     پھر تو خلوت میں عجب انجمن آرائی ہو

õ                     آستانہ پہ تیرے سر ہو اَجل آئی ہو

õ                     اور  اے جان جہاں توبھی تماشائی ہو

õ                     خاک پامال غریباں کو نہ کیوں  زندہ کرے

õ                     جس کے دامن  کی ہو ا بادامسیحائی ہو

õ                     اُس کی قِسمت پہ فدا تخت شہی کی راحت

õ                     خاک طیبہ ؔ  پہ جسے چین کی نیند آئی ہو

õ                     تاج والوں کی یہ خواہش ہے کہ ان در پر

õ                     ہم کو حاصل شرف ناصیہ   فرسائی ہو

õ                     اک جھلک دیکھنے کی تاب نہیں عالم کو

õ                     وہ اگر جلوہ  کریں کون تماشائی ہو

õ                     آج جو عیب کسی پر نہیں کھلنے دیتے

õ                     کب وہ چاہیں گے مری حشر میں رسوائی ہو

õ                     کیوں  کریں بزم شبستان ِ جناں کی خواہش

õ                     جلوہ  یار جو شمع ِ شب ِانتہائی ہو

õ                     خلعت ِ مغفرت اس کے لیے رحمت لائے

õ                     جس نے خاک ِ در شہ ِ جائے کفن پَائی ہو

õ                     یہی منظور تھا قدرت کو کہ سایہ نہ بنے

õ                     ایسے یکتا  کے لیے ایسی ہی یکتائی ہو

õ                     ذکر خُدّام نہیں مجھ کو بتادیں دشمن

õ                     کوئی نعمت بھی کسی اور سے گرپائی ہو

õ                     جب  اٹھے دست ِ اَجل سے مِری ہستی کا حجاب

õ                     کا ش اس پر دہ کے اندر تِری زیبائی ہو

õ                     دیکھیں جان بخشی لب کو تو کہیں خضر و مسیح

õ                     کیوں میرے کوئی اگر ایسی مسیحائی ہو

õ                     کبھی ایسا نہ ہوا  ان کے کرم کے صدقے

õ                     ہاتھ کے پھیلنے سے پہلے نہ بھیک آئی ہو

õ                     بند جب خوابِ اَجَلْ سے ہوں  حسنؔ   کی آنکھیں

õ                     اس کی نظروں میں تِرا  جلوہ زیبائی ہو