KalematulHaque

تعلیمات نبوی کے انمول تحفے                اللہ تعالی ارشادفرماتاہے:
           لَقَدْ کَانَ لَکُمْ فِیْ رَسُولِ اللَّہِ أُسْوَۃٌ حَسَنَۃٌ لِّمَن کَانَ یَرْجُو اللَّہَ وَالْیَوْمَ الْآخِروَذَکَرَ اللَّہَ کَثِیْرا(۱)            بے شک تمہیں رسول اللہ کی پیروی بہترہے،اس کے لیے کہ اللہ اورپچھلے دن کی امیدرکھتاہو،اوراللہ کوبہت یادکرے۔(۲)                    سورۃ الحشرمیں اللہ رب العزت نے حکم دیتے ہوے ارشادفرمایا:          وَمَا آتَاکُمُ الرَّسُولُ فَخُذُوہُ وَمَا نَہَاکُمْ عَنْہُ فَانتَہُوا وَاتَّقُوا اللَّہَ إِنَّ اللَّہَ شَدِیْدُ الْعِقَاب(۳)           اورجوکچھ تمہیں رسول عطافرمائیں وہ لو اورجس سے منع فرمائیں بازرہو،اوراللہ سے ڈرو،بے شک اللہ کاعذاب سخت ہے۔(۴)           حضرت ابوہریرہ اسے مروی ہے کہ رسول خداﷺنے ارشادرفرمایا:           "میں جوتمہیں عطاکروں وہ لو،اورجس سے روکوں رک جاؤ"۔(۵)            رسول اللہ کی اطاعت درحقیقت اللہ تعالی کی اطاعت ہے۔آپ کافرمان عالیشان ہے:           جس نے میری اطاعت کی تواس نے اللہ تعالی کی اطاعت کی،اورجس نے میری نافرمانی کی تواس نے اللہ تعالی کی نافرمانی کی۔(۶)           "عنقریب آدمی اپنی مسندپرٹیک لگاکرمجھ جیسی بات کرے گااورکہے گا:ہمارے اورتمہارے درمیان قرآن کافی ہے،لہذاہم جواس میں حلال پائین گے،اس کوحلال جانین گے،اورجوحرام پائین گے اس کوحرام جانین گے"         آلاوان ماحرم رسول اللہ ﷺمثل ماحرم اللہ۔ (۷)         خبردار!یقینارسول اللہ کی حرام کردہ چیزویسی ہی ہے جیساکہ اللہ تعالی کی حرام کردہ چیزہے۔         قرآن حکیم کی تعلیمات وہدایات کی طرح رسول اللہ کی تعلیمات وہدایات کی اہمیت و عظمت بھی اپنی جگہ مسلم ہے،آپ کی تعلیمات کادائرہ بہت وسیع ہے،ان کااحاطہ ہمارے بس سے باہرہے،آپ کی تعلیمات کے ذخائر میں سے ہم بعض کوبیان کرنے کی سعادت حاصل کررہے ہیں۔